ਜੈਨ ਜ਼ੀ ਸਿਆਸਤ ਤੋਂ ਬੇਮੁੱਖ ਨਹੀਂ ਹੈ। ਇਸ ਦਾ ਪੂੰਜੀਵਾਦ ਤੋਂ ਵਿਸ਼ਵਾਸ ਉੱਠ ਗਿਆ ਹੈ।- ਲੇਖਕ: ਡੋਰਾ ਮੈਂਗਕ; ਅਨੁਵਾਦ: ਸੁਖਵੰਤ ਹੁੰਦਲ

About this book

ਪਿਛਲੇ ਕੁੱਝ ਸਾਲਾਂ ਦੌਰਾਨ ਕਈ ਦੇਸ਼ਾਂ ਵਿੱਚ ਜੈਨ ਜ਼ੀ (ਜਨਰੇਸ਼ਨ ਜ਼ੈੱਡ) ਵਲੋਂ ਅੰਦੋਲਨ ਹੋਏ ਹਨ। ਨਤੀਜੇ ਵਜੋਂ ਬਹੁਤ ਸਾਰੇ ਵਿਦਵਾਨ ਇਸ ਪੀੜ੍ਹੀ ਦੇ ਐਕਸ਼ਨਾਂ ਨੂੰ ਸਮਝਣ ਦਾ ਯਤਨ ਕਰ ਰਹੇ ਹਨ। 13 ਅਗਸਤ 2026 ਨੂੰ ਅਮਰੀਕਾ ਤੋਂ ਛਪਦੇ ਜੈਕੋਬਿਨ ਮੈਗਜ਼ੀਨ ਦੇ ਸਾਈਟ `ਤੇ ਪੱਤਰਕਾਰ ਡੋਰਾ ਮੈਂਗਕ ਦਾ ਇਕ ਆਰਟੀਕਲ ਛਪਿਆ ਹੈ। ਇਹ ਆਰਟੀਕਲ ਲਿਖਣ ਲਈ ਉਸ ਨੇ ਬਰਤਾਨਵੀ ਅਰਥਸ਼ਾਸਤਰੀ ਗਾਈ ਸਟੈਂਡਿੰਗ, ਤੁਰਕੀ ਦੇ ਰਾਜਨੀਤਕ ਵਿਗਿਆਨੀ ਐਮਰੇ ਏਰਦੋਗਾਨ, ਡਿਜੀਟਲ ਲੇਬਰ ਅਤੇ ਪੂੰਜੀਵਾਦ ਦੇ ਵਿਸ਼ੇ `ਤੇ ਕੰਮ ਕਰਨ ਵਾਲੇ ਅਸਟਰੀਅਨ ਮੀਡੀਆ ਸਿਧਾਂਤਕਾਰ ਕ੍ਰਿਸਚੀਅਨ ਫੁਕਸ, ਅਤੇ ਬੰਗਲਾਦੇਸ਼ੀ ਅਰਥਸ਼ਾਸਤਰੀ ਅਨੂ ਮੁਹੰਮਦ ਨਾਲ ਇੰਟਰਵਿਊਆਂ ਕੀਤੀਆਂ ਹਨ। ਇਹਨਾਂ ਇੰਟਰਵਿਊਆਂ ਦੇ ਆਧਾਰ `ਤੇ ਲਿਖੇ ਇਸ ਆਰਟੀਕਲ ਵਿੱਚ ਪੇਸ਼ ਮਹੱਤਵਪੂਰਨ ਧਾਰਨਾਵਾਂ ਇਸ ਪੀੜ੍ਹੀ ਦੇ ਅੰਦੋਲਨਾਂ ਨੂੰ ਸਮਝਣ ਲਈ ਸਹਾਈ ਹੋ ਸਕਦੀਆਂ ਹਨ। ਇਸ ਲਈ ਇਸ ਲੇਖ ਦਾ ਅਨੁਵਾਦ ਪੰਜਾਬੀ ਪਾਠਕਾਂ ਲਈ ਪੇਸ਼ ਹੈ।